ഓറിയോണ്
നക്ഷത്രഗണങ്ങളില് വളരെ മനോഹരമായതും തിരിച്ചറിയാന് വളരെ എളുപ്പമായതുമായ ഗണമാണ് ഓറിയോണ്. വേട്ടക്കാരന്, കാലപുരുഷന്, ശബരന് എന്നീ പേരുകളിലും അറിയപ്പെടുന്നു. ഡിസംബര് മുതല് മാര്ച്ചു വരെയാണ് നിരീക്ഷണത്തിനു പറ്റിയ സമയം. ഡിസംബറില് രാത്രി ഏഴുമണിയോടെ ഉദിച്ചുയരും. രാത്രി മുഴുവന് ആകാശത്തു കാണും. ഓരോ ദിവസവും നേരത്തേ നേരത്തേ ഉദിച്ച് മാര്ച്ചു മാസത്തില് പടിഞ്ഞാറന് ചക്രവാളത്തില് സൂര്യാസ്തമയത്തിനു ശേഷം കാണുകയും പിന്നീട് കാണാതാവുകയും ചെയ്യും. തിരുവാതിര
ഓറിയോണ് എന്ന
വേട്ടക്കാരന്റെ ഒരു തോളിനെ പ്രതിനിധീകരിക്കുന്ന നക്ഷത്രമാണ് തിരുവാതിര.
ഇതൊരു ചുവപ്പു ഭീമന് നക്ഷത്രമാണ്. സൂര്യന്റെ 1400 മടങ്ങ് വലിപ്പമുണ്ടത്രെ
ഇതിന്. അതായത് സൂര്യന്റെ സ്ഥാനത്ത് തിരുവാതിരയെ കൊണ്ടുവന്നു വെച്ചാല്
ബുധന്, ശുക്രന്, ഭൂമി, ചൊവ്വ എന്നീ ഗ്രഹങ്ങളും ഛിന്നഗ്രഹങ്ങളും
അതിനുള്ളിലായി പോകും. ഭൂമിയില് നിന്നും ഏകദേശം 640 പ്രകാശവര്ഷം അകലെയാണ്
ഇത് സ്ഥിതി ചെയ്യുന്നത് എന്നാണ് കണക്കാക്കിയിട്ടുള്ളത്.
ഇംഗ്ലീഷില് ഇതിനെ
ബെറ്റ്ല്ജൂസ് (Betelgeuse) എന്നാണ് വിളിക്കുന്നത്. إبط الجوزاء (Ibṭ
al-Jauzā) എന്ന അറബി വാക്കില് നിന്നാണ് ഈ പേര് എടുത്തത്. തിരുവാതിര
നക്ഷത്രത്തിന്റെ അടുത്ത് ചന്ദ്രന് വരുന്ന ദിവസമാണ് തിരുവാതിര നാള്.
അഭിപ്രായങ്ങള്
ഒരു അഭിപ്രായം പോസ്റ്റ് ചെയ്യൂ